18.19 兩天大力仔跟爸爸, 媽媽, 公公, 婆婆, 姨婆, 丈公, 舅公, 舅婆, 姨媽, 兩個舅父, 舅母, 當然當然仲有藍藍, 熙琳, 誼姐姐, 縉軒哥哥..... 到澳門玩左兩日一夜, 我們到酒店游水, 玩得最最最開心既當然後最細個3個小朋友, 接著細的童夢天地, 大的到處行行, 又到了威尼斯人食自助餐, 晚上一齊玩 uno, 第二朝, 到酒店兒童遊戲室玩, 到科學館, 吃葡國餐, 到大三巴再買手信..... 依然, 都是小朋友玩得最最最開心的..... :)
2011年8月3日星期三
2011年6月22日星期三
動的暑假 2011
暑假就快到喇, 有見平時玩的課外活動都是靜靜的, 媽媽特意找一些動的活動給大力.
學游水, 大力跟朋友仔已經上了一堂試堂, 不錯, 教練說他們都很快上手... 媽媽在旁看著都覺得唔錯... :)
教練都好有心機教, 兩個小朋友對教練更加一見鐘情
第一堂, 教練教他們呼氣, 兩個小朋友很努力的試
另一個, 是足球班... 男孩子都是玩這些大的麻..... 媽媽在場外打氣, 大力玩得很開心
第一堂, 大力跟媽媽說: 媽咪, 我追唔到個波..... 第二堂, 大力沒有氣餒, 繼續追波, 比起第一堂好好多, 加油啊!
開始上堂, 先來個熱身
接著練射波
分組比賽, 很努力的追波
也有試過守龍門, 試過一次忘記自己在守龍門走出去追波, 比教練喝住, 拉返轉頭, 好好笑.... :)
每次比賽完, 教練都會作賽後檢討, 好認真架!
臨落堂前, 必定會排好多謝家長, 多謝教練 
2011年3月9日星期三
四歲喇
已經四歲啦 ! So far 大力都沒帶給媽媽很大麻煩, Thank you for your cooperation 呢句說話媽媽時常都同大力仔講的, 不過, 媽媽發覺大力開始有自己既思想, 百厭+估惑既性格慢慢浮現出來......
KI下學期開始就有家課, 一天中文一天英文, 老師必定同小朋友講解一次怎樣做的, 大力都聽在心裡, 回家很多時都是自己拿出來做的...... 不錯吧! 一天, 媽媽打電話給大力.....
媽媽: 你做好家課未呀
大力: 未呀
媽媽: 點解呀
大力: 因為今日係中文, 我唔識做
媽媽: 老師應該有教過喎
大力: 老師無教呀, 姐姐唔識中文呀,,, 你返黎教我啦.....
媽媽給氣死喇... 回到家裡, 媽媽還未講完題目, 大力已做了一半.... 激死
學校安排家長觀課, 其中一個家長看完回來跟媽媽說, 你個仔好醒...玩謝老師喇
英文老師預備了一些帶有"W"字頭的字咭, 用來引導小朋友講出他們學過的生字, 其中一位英文好好既同學仔 Adrain, 說出 Winter...
Teacher: Which words begin with "W"
Adrain: How about Winter
Teacher: Yes. But we don't have the card on hand
Kiros: You can draw on the board
Adrain: Yes. you can draw on the board
此時, 所有家長都在笑, Teacher 不知所措.....
兩位大哥, 家長觀課咁重要既日子, 唔好搞事啦.... 臨時臨急點劃個冬天出來呀.... :)
新一代既小朋友, 轉數快過大人, 睇黎媽媽都係時候進修一下喇.... 如果唔係好快就比亞囝"食住" 哈!
订阅：
博文 (Atom)
