京木一天遊 2007

剛剛過去的星期日係一年一度搞極都無人去既公司活動, 過往兩年都搞遊船河, d 同事唔係咁雀躍, 但今年就跟本地團去左塔門同海下灣睇珊瑚連鯉魚門食海鮮, 反而有55人去, 當日3x度, 晨早9:00集合, 坐隻無冷氣既"漁船"去到塔門, 再分批轉坐玻璃船去睇珊瑚, 果 d 灰色既珊瑚唔多郁, d 海蓼好似虫咁, 只有 d 魚仔游來游去, 不到 10 分鐘, 又折返果隻爛鬼漁船到, 12:30上左塔門唯一一間"海鮮酒家"午膳, 之後 ...... 領隊係 1:30 call 齊人集合話上山去睇天后廟同呂字疊石觀光, 我心諗: 咁鬼猛果太陽上山?? 容物易中暑架 ?? 由上山-->天后廟-->中途站涼亭, 全部人都有行, 但到左涼亭-->呂字疊石就只有 10 多人. 我係其中一個, 咁又難怪 ge, 曬到咁, 回程時大家用左唔使10分鐘便忽忽下了山, 沒有什麼感覺, 只知道任身都出汗未乾過, 4:45 返到馬料水再轉旅遊巴到鯉魚門食海鮮 ..... 原來呢個至係重頭戲, 最尾果碟蟹, 我竟然有食到唔想食 ge 感覺 .... 菜單如下:

1. 螺頭煲竹絲雞湯
2. 白(卓)蝦
3. 蒜泥蒸聖子
4. 清蒸鮑魚
5. 西芹炒蘇眉( 可能係龍等 )
6. 椒鹽賴尿蝦
7. 炸蘇眉頭
8. 辣酒煮花螺
9. 椒鹽魷魚
10. 炒菜
11. 炒飯
12 蒸重皮蟹