唉~

昨天發生了兩大要唉既事

話說, 上次返婆婆家探小表妹豪哭後, 琴日帶大隻仔返爺爺家, 一出門口己經扁嘴, 沿途都無表情, 到搭 lift上樓就開始喊, 唉~原來 BB D記憶力咁鬼好, 入到屋呵左好耐, 周圍望下至好D, 但少少事比喻有人大聲講野 (大隻爸屋企人講野一向都好大聲), 大隻仔就會喊, 唉~((((((大隻仔))))))你第時讀書都要有咁好記性呀 ! 由今天開始, 已經叫左 abella 每天帶大隻仔落公園玩, 希望佢見多d人, 見多d樹, 見多d草, 見多d雀啦.....

第二, 搭的士回家, 上車都無1分鐘, 我地架的士被一架出小路唔停車既私家車撞到, 碰一聲, 好彩大隻爸雙手 Qoo 住大隻仔, 大家只是向前衝左一下, 我第一時間望大隻仔, 佢眼仔碌碌, 周圍望, 應該無事, 警察黎到, 問我地有無受傷, 留底資料, 大隻爸就同警察講, 我地要趕住返屋企食奶呀! 於是警察叔叔就幫我地截外一架的士走喇. 唉~ 雖然所有野都想比大隻仔試, 但係呢d野就唔使喇, 一生人一次都嚴多呀, 我返到屋企諗, 大隻仔每次出街都係搭的士, 其實都好危險, 只得一條人肉安全帶, 唔通要自攜 Car Seat.........