剛剛帶左大隻仔去上嬰兒按摩班, 等左四個月才有得上, 課程只適合二至七個月的寶寶參加, 所以大隻仔係以大哥哥的身份參加的, 在搭車途中, 我一直在想, 大隻仔已經可以自已幫自已返身兼坐定定, 仲點會肯乖乖的"灘"係度比我摸呢 ? 一向怕陌生人既大隻仔又會唔會喊呢 ? 都唔理得咁多, 大不了米走囉 ~~~
一向守時既 Kiros 爸想教只有六個月大既大隻仔明白此道理, 以身作則, 早到左 20分鐘, 結果係門口呆坐了10 分鐘至入得 .......
入到課室, 再坐一會......... 看來大隻仔今日既表現都 ok, 眼仔碌碌的 .......
一開始, 來了一張大合照, 大部份的寶寶都是3至4個月, 只有最左邊同最右邊可以自己坐, 接著, 導師開始講解, 理論通常都係悶少少, 眼見其他BB都經灘左係墊褥到, 只有無耐性既大隻仔四圍吼, 四圍寥, 四圍轉, 其後更加用潮州腔唱左好耐歌, 害得 Kiros 爸拿拿聲抱走佢, 費時嘈住人, 但 Auntie, Uncle, 導師同工作人員都望住佢笑, 唉~ 大隻仔,,,, 你好核突呀~ >_<
理論過後便到實踐, 個個都 mock 光豬, 跟著導師的步驟做, 向來做 massage 都應該靜靜地享受的, 當然其他BB都是如此, 而我就只係幫大隻仔做左一只腳, 大隻仔就已經開心得死去活來, 佢既笑聲覆蓋曬整個課室, 連隔離個叔叔都問: 點解佢會笑得咁開心架 ?????
難得一張合照, 但大家都不在狀態 ~~~~~~
