每年聖誕節都與一班相識廿載既豬朋狗友搞聖誕派對, 豐富美食, 玩遊戲, 100蚊交換禮物年年都唔少得, 今年新增設"最住禮物大獎", 因為唔想再有人買"索克天王"呢一類"唔等使"既禮物黎, 而我為左奪得呢個獎都花左好多精神, 較豬前又諗下, 沖緊涼又諗下, 搭車途中又諗, 係公司做做下野又諗下, 結論係"環保我做先", 決意要用100蚊買一堆環保袋, 越多越好, 但我果 d 豬朋狗友個個都入形入格兼品味高, 又掂會拎惠康百住呢d咁普通既貨仔出街呀, 所以貴少少去左 citysuper 買左10個唔同顏色既環保袋去爭奪最住禮物大獎...... 至於 Kiros 爸亦層經自己四出找尋好禮物, 無奈沒有我的推波助瀾, 跟本唔成事, 在時間不容許下, 只好求求其其買100蚊3對襪, 我都唔敢奢望憑呢份禮物可以奪得甚麼獎. 雖然最終都不能夠奪獎, 有少少失望, 但可以進入前三甲已經不錯.
可能上天要懲罰沒有心肝既 Kiros爸, 安排他抽中一份有手尾跟既禮物, 一箱四龜是也, Kiros 爸完全唔鐘意, 掂都無掂過, 第二日已經轉手比左開金魚檔既朋友, 希望遇到有心人啦. 至於我抽中多一件唔多, 少一件亦無所謂既雪糕匙. 不過結果唔重要, 最重要係過程, 因為真係笑到轆地......
